مدارس الشخصيات العظيمة المدارس الكنائسية لؤلؤة المدارس المصري.المدارس الكنائسية وازاي امتلكت قلوب المسلمين في مصر اللي خريجينها بقو في مقدمة المناصب والمراكز على مستوى الدولة لأ والعالم كمان المدارس بيتهافت عليها المسلمين قبل المسيحيين فايه السر
مدارس الشخصيات العظيمة المدارس الكنائسية لؤلؤة المدارس المصري
السلام عليكم حلقتنا النهاردة عن المدارس الكنائسية في مصر او كما يطلق عليها مدارس الراهبات والرهبان وده عشان اللي بيديرها بيبقى راهب او راهبة وتعد المدارس الكاثوليكية من اقدم المدارس الكنائسية في تاريخ مصر الحديس
حيس بترجع فكرتها الى محمد علي باشا اللي كان مهتم بالتعليم وجه من بعده سعيد باشا واسماعيل باشا اللي قدموا دعم كبير للمدارس دي لحد ما بقت النهاردة اكتر من مية وسبعين مدرسة منتشرة في جميع محافزات مصر تعتبر مدرسة القديس يوسف اول مدرسة كاثوليكية في مصر
بدعم من الخديوي اسماعيل اللي بعت اتناشر فرد من افراد الاسرة العلوية للمدرسة بهدف اعدادهم لتولي المناصب الرئيسية في الدولة وبتعرف المدارس الكنائسية في مصر بمدارس الراهبات او الرهبان
وبتنقسم الى انواع كتير اشهرها المدارس الفرنسية وهي اكترهم انتشارا ومن ابرز المدارس الفرنسية هي مدرسة الفرير ونوتردام والميردديو وطبعا المدارس الكنائسية مش كلها تابعة للكنيسة الكاثوليكية
فهنلاقي ان في مدارس تابعة للكنيسة الانجيلية ودول عددهم ستين مدرسة ودول ليهم امانة عامة مسؤولة عن ادارتهم وتابعة للمجمع الاعلى للكنيسة الانجيلية والنوع التالت هما المدارس الارسوزوكسية وعددهم خمسين مدرسة تابعة للابراشيات المختلفة
ودلوقتي بيتعمل دراسة لعمل قطاع يجمع العمل التربوي للكنيسة ككل وبتشتغل المدارس دي كلها على تقديم الخدمة التعليمية والتربوية لابناء المجتمع المصري كله مسلم ومسيحي
ويعد اكتر الطلاب في المدارس دي من المسلمين فبنلاقي نسبة المسلمين في بعض المدارس بتوصل لخمسة وتمانين في المية وطبعا المدرسين بيبقوا مسلمين ومسيحيين طب وايه اللي خلى المسلمين يقدموا عليها بالشكل ده? هقول لك يا سيدي عشان اولا طريقة تدريس المناهج في مدارس الراهبات بتكون مميزة جدا
على المدارس دي بيحرصوا على تعيين مدرسين اكفاء عندهم القدرة على تبسيط المادة العلمية وشرحها بطريقة تناسب المرحلة العمرية للطالب وبجانب ده كمان فهما بيساعدوا في تنمية مهارات الطالب وتربيته بشكل ايجابي ده غير
ده غير ان مدارس الراهبات بتهتم بتعليم اللغات للطلبة وبتحرص انهم يتقنوها فبتخرج طلبة متميزين في اللغات واهتمام المدارس دي باللغات بيبان من بداية وقت التقديم فبنلاقي انو بيكون في اختبار للطفل في اللغة عشان تتأكد من مستوى الطفل قبل قبولو
ومن المميزات اللي فرقت مدارس الراهبات عن غيرها هو اهتمامها بمصطلح قديم كده اكيد انت عارفه وهو التربية والتعليم لو فاكر كانوا دايما بيقولوا زمان التربية قبل التعليم وده كان من اسرار نجاح المدارس دي
وده لانها بتهتم بتربية ابنائها على احترام النفس واحترام الاخر بغض النزر عن اختلاف دينه او شكله او لونه واحترام النزام وعدم اختراق القوانين سواء قوانين المدرسة او القوانين العامة وبتزرع فيهم حب العمل واتقانه والتعاون
الايجابية وتحمل المسئولية والالتزام بيها وبالتالي نظام الدراسة فيها قائم على الحزم واتباع التعليمات عشان تخرج شخص ملتزم مش بيكسر القوانين ده غير انها بتحرص على تربية جيل واعي مثقف منضبط عارف واجباته زي ما هو عارف حقوقه
فبنلاقي المدارس دي بتقدم حصص مخصصة للسلوكيات عشان تعلم الاطفال مبادئ التربية السليمة وبنلاقي ان المدارس دي بتقوم بالتواصل الدائم مع ابنائها اللي بيمروا بظروف صعبة او مشاكل حتى لو كانت مشاكل شخصية او نفسية
زي فقدان احد الوالدين او انفصالهم وهنا بنلاقي دور بارز وقوي للمدرسة في رعاية الطلاب دي لحد ما يعدوا الصعاب اللي بتواجههم ده غير انها بتتواصل مع كل ابناءها في الاجازات لزرع الهمة والنشاط فيهم
خلال العمل الجماعي او العمل الفردي وده عن طريق تكلفة الطلاب بمشاريع يقوموا بعملها في فترة الاجازات والقيم والمبادئ السامية دي هي اللي ميزت مدارس الراهبات عن غيرها من المدارس وده اللي خلى اولياء الامور المسلمين يقبلوا عليها قبل المسيحيين ويفضلوها على غيرها من المدارس الخاصة والانترناشونال
وبتقوم مدارس الراهبات برضو بالاحتفال بجميع المناسبات الوطنية والاجتماعية والدينية فبنلاقيها بتقوم بالاحتفال بالمولد النبوي الشريف زي ما بيحتفلوا بميلاد السيد المسيح وده عن طريق القاء الخطب في الاذاعة المدرسية
عن سيدنا محمد صلى الله عليه وسلم وعن اخلاقه اللي يجب عليهم اتباعها وده طبعا بيقدموا المدرسين المسلمين اللي موجودين في المدرسة وكمان بنلاقي ان في الاذاعة المدرسية في بعض المدارس بيقوموا بتلاوة ايات من القرآن الكريم وجزء من الانجيل
تغيير تزيين المدارس لقدوم شهر رمضان وبتقوم بعض المدارس باقامة افطار جامعي لابنائها وهنا بنلاقي وحدة وطنية ملهاش مسيل وبجانب المميزات دي بنلاقي انها بتراعي الجانب المادي بحيس انها اقل تكلفة من المدارس الخاصة والمدارس الانترناشونال
فبنلاقي ان متوسط اسعار مدارس الراهبات بتناسب الفئة المتوسطة فمصر بس طبعا مفيش حاجة خالية من العيوب فبنلاقي ان من عيوب المدارس دي هي صعوبة القبول فيها لانها بتقبل عدد معين بس كل سنة وبيكون الاولوية للي سنهم اقرب لست سنوات
فلو الطالب سنه خمس سنين واربع شهور ممكن يلاقي صعوبة في الالتحاق بالمدارس دي ده غير ان الطالب واهله بيتعمل لهم اختبار لتحديد مستوى الاهل والطالب في اللغة الانجليزية ومن اهم خريجين هزه المدارس في مجال الفن فالموسيقار العظيم فريد الاطرش
ودنجوان السينما المصرية الفنان رشدي اباظة والممسل نجيب الريحاني المعروف بزعيم المسرح الفكاهي وكمان الفنان عمر الشريف اللي زهر في العديد من افلام هوليوود وطبعا المخرج السينمائي يوسف شاهين
ده غير المغنية والممسلة ليلى مراد ودي واحدة من ابرز الفنانات في الوطن العربي وطبعا الفنانة يسرا اللي اختيرت في سنة الفين وستة كسفيرة للنوايا الحسنة من قبل برنامج الامم المتحدة الانمائي ومن اهم خريجينها في مجال السياسة
الرئيس المصري محمد انور السادات اللي انتصر في حرب تلاتة وسبعين وبطرس بطرس غالي الدبلوماسي المصري اللي شغل منصب الامين العام السادس للامم المتحدة وطبعا منقدرش ننسى غادة والي وكيل الامين العام للامم المتحدة والمدير التنفيزي لمكتب الامم
للمخدرات والجريمة ومدير مقر مكتب الامم المتحدة المعني بالمخدرات والجريمة في فيينا حاليا ووزيرة التضامن الاجتماعي المصرية سابقا وصفية زغلول زوجة الزعيم والسياسي المصري سعد زغلول قائد سورة الف تسعمية وتسعتاشر
سوزان مبارك زوجة الرئيس المصري حسني مبارك ده غير فريدة عسمان السباحة المصرية الحاصلة على الميدالية البرونزية في بطولة العالم للالعاب المائية سنة الفين وسبعتاشر وغيرهم نمازج مشرفة كتير وبكده تكون خلصت حلقتنا عن المدارس الكنائسية .
لمشاهده المزيد من هنا