معالم جذب سياحي عشرة أماكن للزيارة في روما عاصمة إيطالية Ten things to do in Rome Italy. هنبدأ رحلتنا من ميدان بنيسيا.
هنلاقي مبنى ضخم جدا مش متناسق قوي مع اللي حواليه.
معالم جذب سياحي عشرة أماكن للزيارة في روما عاصمة إيطالية Ten things to do in Rome Italy
اسمه نصب فيكتور عمانويل التاني او الفيتوريانو.
بيسموه كمان تورتة الفرح.
هنا كان موسوليني بيلقي الخطوبة الحماسية ويعتبر الميدان الرئيسي لروما نطلع فوق المبنى نشوف روما من فوق.
على اليمين هنلاقي مسرح الكلوسين اللي جواه كانت بتحصل مصارعات الاسود وجنبه منطقة اثار واسعة كبيرة جدا اسمها الرومن فورم ورا الفيتوريان على طول واحد من اجمل ميادين روما ميدان صغير اسمه من تصميم مايكل انجلو في عصر النهضة.
ومن الاماكن اللي بحبها جدا في روما.
في هنا صالة لمراسم الزواج ونقدر نشوف الاحتفالات ورمي الرز على العرسان نكمل جولتنا من قدام بيات سافينيسيا ونمشي في شارع فياد الكورسو.
واحد من اهم شوارع التسوق والتمشية وبيقسم روما التاريخية في خط مستقيم لحد ما يوصل لبياتسد البابولو والمسلة المصرية من هنا نروح لمحطة رقم اتنين ونبدأ نشوف المعمار الايطالي الجميل في المباني الكلاسيكية والنوافير وطبعا السلالم المشهورة اللي بيقعد عليها السياح.
اسم الميدان اسبانيا علشان في سفارة اسبانيا للكرسي الرسولي او الفاتيكان والمنطقة هنا كمان مركز للشوبينج الفاخر والماركات السينيين.
الفرق كان السلالم الجميلة دي اللي مشهورة بالسلالم الاسبانية.
اتبنت على حساب حكومة فرنسا.
علشان بتربط الميدان بكنيسة فرنساوي فوق واسمها بالايطالي عشان كده مش السلامة الاسبانية.
اسمها ترينيتاد مونتي.
من فوق ميدان اسبانيا بنروح رقم تلاتة.
حدائق بلا بورجيزي.
باركي كبير جدا في مباني كتير تاريخية.
واهمها متحف جادرية برجيزي.
اللي فيه مجموعة فنية عظيمة.
خصوصا من التماثيل الرخام المتحف حجمه صغير ولازم نحجز الدخول قبلها بمدة من الانترنت على ده.
نخرج من بلا بورجيزي على شارع فينتو.
احنا هنا في شارع فيا فينتو واحد من اشهر واغلى شوارع روما آآ الخمسينات والستينات كان بيسهر هنا نجوم هوليوود وكان بيسهر الملك فاروق.
واتشهر الشارع ده ان هو آآ مركز الدولشي فيتا او الحياة الحلوة.
في احسن مطاعم وفنادق وهكزا.
رقم اربعة فنتانا ديت ريفي على طراز الباروك اتبنت من احجار مسرح الكلوسيم والمصمم اللي بناها مات قبل ما تخلص بعشر سنين وعمره ما شافها كاملة هنا بتقول الاسطورة ان اللي يرمي فيها عملة يبقى هيرجع روما تاني انا عن نفسي مش بصدق في كده لكن انا رميت عملة سنة الفين وستاشر ولقيت نفسي جيت روما تاني رقم خمسة البانتيون معبد روماني اتبنى من الفين سنة واتحول بعد كده لكنيسة والدخول هنا مجاني زي كل الكنايس في روما قدامو هنلاقي فنانين بتعزف مزيكا ومطاعم على الرصيف وجو تاريخي ورومانسي جميل جدا جدا اوبة البنكيون اتبنت من الفين سنة ولحد النهاردة آآ اكبر قبة في العالم بدون تسليح يعني بدون حديد.
ودي معلومة مش مهمة قوي لان اي قبة النهاردة حتى لو صغيرة هتبقى مسلحة فما حدش هيحاول يعني يعمل واحدة اكبر منها بس آآ بس هي معلومة شكلها حلو.
رقم ستة ديات سنافونا والنوافير الجميلة ميدان كبير جدا مشهور بالفنانين اللي بيبيعوا لوحات وبيرسموا فورتريهات للسياح.
وطبعا فيه مطاعم وكافيتريات ومباني اثرية جميلة لو شفنا لوحة للميدان من القرن التمنتاشر تقريبا مش هنلاقي اي حاجة اتغيرت فيه.
النافورة دي اسمها الانهار الاربعة لبيرميني وبترمز للاربع انهار المعروفة في العصر القديم. واللي ورايا ده نهر النيل سابع حاجة نعملها هي التمشية.
روما متحف مفتوح وما بين كل الميادين والاثار بنلاقي شوارع ضيقة جميلة جدا.
محلات فنية وحرف يدوية ومناظر ممتعة كتير.
اشهر مكان للتمشية هو المركز التاريخي شينتروستوريكو وضفة النهر خصوصا بالليل في الصيف وفي منطقة اللي لها تابع خاص جدا من الحواري الضيقة والمباني القديمة المتغطية بالنباتات والكنائس والميادين والاسواق المفتوحة نروح رقم تمانية ميدان سان بيتر في مدينة الفاتيكان اصغر دولة مستقلة في العالم وكلها جوة حدود روما على مساحة ميت فدان.
في في الفاتيكان مكتب بوسطة فاتيكان بوست ومكان زريف نبعت منه كروت لصحابنا عليها توابع الفاتيكان مش ايطاليا.
ندخل كنيسة سان بيترب نتفرج على المعمار العزيم ونطلع فوق القبة علشان نشوف منزر جميل جدا لروما في كل الاماكن اللي رحناها. تسعة من جنب الفاتيكان نطلع عضبة الجاني كلو تاني اعلى نقطة في روما ونقدر نشوف منها بانوراما حلوة وفيها ميدان هادي وجميل كله شجر شكله حلو جدا.
رقم عشرة كامبوديفيوري سوق مفتوح في الشارع بنلاقي فيه مأكولات وتوابل ورد وحواليه مطاعم وكافيهات كتير.
ويعتبر منطقة حية جدا بالنهار وبالليل.
زمان آآ في كامبوديفيوري كانوا بينفزوا احكام الاعدام.
ومنهم واحد الاخ الغلبان ده كان بيقول حاجات ضد مبادئ الكنيسة زي مسلا الارض بتلف حوالين الشمس وده طبعا تسبب انه يتحكم عليه بالاعدام.
خليني اقول حاجة كمان فوق البيعة رقم حداشر في ميدان فرسان مالطا باب كبير ولما نبص من خرم الباب نشوف قبة متوسطنة ما بين صفين اشجار.
ومن جنب الميدان نمشي لجنينة البرتقان اللي بتطل على النهر ونستمتع هنا بمنظر جميل جدا خصوصا ساعة الغروب مع المزيكا والشجر والجو الرومانسي دي كانت اشهر المزارات لكن روما فيها اكتر من كده بكتير ومش ممكن هنخلصهم في زيارة واحدة فنرمي عملة فنافورة عشان نرجع تاني ودي نهاية جولتنا ونتقابل المرة الجاية في مدينة تانية .